Juan Antonio Urbeltz

Juan Antonio Urbeltz Navarro (Iruñea, Nafarroa Garaia, 1940ko urriaren 20a) folklorista eta kultura gizona da. Euskal dantza eta musika tradizionala berreskuratzen lan handia egin du, Marian Arregi emaztearekin batera. Gaur egun Donostian bizi da. ''Oi Baldorba!'' abesti ezagunaren letra sortu zuen.

1958an Goizaldi dantza taldean parte hartu zuen. 1965ean Argia taldera igaro zen, eta talde hori zuzendu zuen urte askoan. Folkloreari buruzko hizlari eta publizista, Euskal Koreografia Atlasaren osaketa zuzendu zuen.

Halaber, Goierriko brokel dantzari eta Otsagabiko dantzei buruzko ikerlanen egilea da. 1967an Argia taldea Cáceresko (Espainia) Nazioarteko Folklore Jaialdira aurkeztu zen; bi urte geroago, Middlesbrough hirikora (Britainia Handia). Aranzadi Zientzia Elkarteko eta Euskal Herriaren Adiskideen Elkarteko kide da, eta Eusko Ikaskuntzako Folklore saileko presidente izan zen.

Bere lorpen handienetako bat da antzinako ''axuri beltza'' dantzaren berreskuratzea.

1985ean Gipuzkoako Foru Aldundiko Kultura zuzendari izendatu zuten. ''Dantzariak'' eta ''Deia'' argitalpenetako lankide izan zen, eta ''Dantzak'' idazlanaren egile da. Hona hemen bere idazlanetako batzuk: ''Notas sobre las danzas tradicionales de los vascos'', Bilbo, 1978; ''Música militar en el País Vasco''; ''El problema del zortziko'', Iruñea, 1989; ''Danzas de Guipúzcoa'' eta ''Alardeak'', Donostia, 1995.

2007an maiatzaren hasieran Urbeltzek Jimeno Jurío Saria irabazi zuen, eta maiatzaren 13an eman zioten, Artaxoako Zirkuluan.

Dantza'' (2018) Telmo Esnal zinema zuzendariaren filmean koreografoa eta filma egiteko eragile nagusietako bat izan zen Esnal eta Koldobika Jauregirekin.'' thumb|300x300px|Dantza filmaz solasaldi batean Elena Cajaraville, Koldobika Jauregi, [[Telmo Esnal|Telmo Esnal, Iñaki Agirre, Juan Antonio Urbeltz eta Xabier Artola]]
Erakusten 1 - 1 -- 1 bilaketa honetara: 'Urbeltz, Juan Antonio,', Bilaketaren denbora: 0,03s
|
Hautaketarekin:
1

Azalaren irudia
nork Urbeltz, Juan Antonio, (1940-)
Argitaratua: 2009
Deskribapen fisikoa: 189 p. : il., fot. ; 27 cm
Liburuak (ez fikzioa)
|
Hautaketarekin: